Xorazm viloyati, Yangiariq tumani tibbiyot birlashmasiga qarashli eski poliklinikaning bo‘sh turgan binosi o‘rnida davlat-xususiy sheriklik asosida tibbiyot markazini tashkil etish loyihasi yuzasidan boshqa talabgorlarga mazkur loyihaning amalga oshirilishidan manfaatdorligi to‘g‘risida maʼlum qilish taklifi

Oʼzbekiston Respublikasi Sog‘liqni saqlash vazirligi “YANGIARIQ SAMIRA SАFIYA FARM” MChJ tomonidan tashabbus qilingan Xorazm viloyati, Yangiariq tumani tibbiyot birlashmasiga qarashli eski poliklinikaning bo‘sh turgan binosi o‘rnida davlat-xususiy sheriklik asosida tibbiyot markazini tashkil etish loyihasi (keyingi o‘rinlarda – Loyiha)ni amalga oshirishni rejalashtirmoqda.

Oʼzbekiston Respublikasi Sog‘liqni saqlash vazirligi barcha manfaatdor tomonlarni Loyihaning amalga oshirilishidan manfaatdorligi to‘gʼrisida ma‘lum qilish taklifi taqdim etishlarini so‘raydi. Xususiy sherik mamlakatdagi o‘sib borayotgan bozordan manfaat ko‘radi hamda mamlakatda amalga oshiriladigan davlat-xususiy sheriklik loyihalaridan birida ishtirok etish imkoniyatiga ega bo‘ladi.

Loyiha yuzasidan xususiy sherikni tanlash Oʼzbekiston Respublikasining “Davlat-xususiy sheriklik to‘g‘risida”gi Qonuni, Oʼzbekiston Respublikasi Prezidentining 2019 yil 16 apreldagi PQ-4290-son “Sog‘liqni saqlash sohasida davlat-xususiy sheriklikni rivojlantirish chora-tadbirlari to‘g‘risida”gi qarori hamda O‘zbekiston Respublikasi Vazirlar Mahkamasining 2020 yil 26 apreldagi 259-son “Davlat-xususiy sheriklik loyihalarini amalga oshirish tartibini takomillashtirish to‘g‘risida”gi qarori talablariga binoan amalga oshiriladi.

Kompaniyalar Loyihaning amalga oshirilishidan manfaatdorligi to‘g‘risida maʼlum qilish taklifini taqdim etishlari so‘raladi. Loyihaning amalga oshirilishidan manfaatdorligi to‘g‘risida maʼlum qilish taklifi ilovadagi jadvalni to‘ldirilgan holda 2021 yilning 19 dekabriga qadar quyidagi elektron pochta manziliga yuborilishi lozim.

Ilova qilinayotgan hujjatlar:

1) Loyiha kontseptsiyasi;

2) Dastlabki malakani baholash hujjatlari;

O‘zbekiston Respublikasi Sog‘liqni saqlash vazirligi

Elektron pochta manzili: info@ssv.uz

Telefon raqami: (+99871) 239-46-43

You may also like...

Fikr bildirish

Email manzilingiz chop etilmaydi. Majburiy bandlar * bilan belgilangan

Font Resize